Les meira um humlur í Føroyum

Dagin eftir - 09. juli, avmyndaði Eva Andersen, Strendur, ein drotningarfirvald í sínum bilhúsi, so tveir drotningarfirvaldar hava so í øllum føri verið í Føroyum um somu tíð.

Hendan flotta "træbukkin" Clytus arietis fangaði eg niðri í kjallaran hjá mær sjálvum í Nólsoy 20. apríl 2011. Danska navnið "vædder" og enska "Wasp Beetle" stavar frá útsjóndini á honum.

LEOPARDSNIGIL Limax maximus

Oyðið ikki leopardsnigilin!

Tá tú fert út at savna inn morsniglar Arion lusitanicus í havanum, skalt tú verða sera varin, so tú ikki eisini tekur leopardsnigilin Limax maximus, tí hann er arvafíggindin hja morsniglinum.
Nakrir leopardsniglar líkjast tí stríputa myrka á myndini, meðan aðrir hava langar døkkar blettar, harav stavar navnið. Ein morsnigil er harafturímóti altíð einslittur og hevur ofta myrkt høvd.
Leopardsnigil er rættiliga nýggjur í Føroyum. Hann var skrásettur fyrstu ferð í 2003 og er nu eisini funnin í Klaksvík, Funningsfirði, Toftum, Eiði, Kirkjubø, Kollafirði og Tórshavn.
Nýggjar norskar kanningar vísa, at morsnigil ikki trívist væl saman við leopardsniglinum, sum tekur ræðið í havanum. Leopardsnigilin hevur eina tungu, sum minnir um grovt sandpappír, og hann etur morsniglaeggini, teir lítlu morsniglarnar og sleikir og bítur enntá eisini í teir vaksnu morsniglarnar, sum tí verða við undirlutan. Hetta merkir so sjálvsagt, at morsniglarnir hava eina stóra afturgongd í havanum.
Leopardsnigilin fer bert eftir teimum plantunum, sum tann svarti føroyski snigilin frammanundan oyðileggur, so hann er ein góður vinur at hava í bardaganum móti pláguni morsniglinum.

13. april 2011 lendi hesin "drekatyrilin" Anax ephippiger umborð á bátinum hjá Lúkku og Bjørn Patursson, tá tey vóru á veg úr Koltri til Kirkjubøar. Adrian Parr staðfesti slagið. Hetta slagið av "drekatyrli" stavar upprunaliga úr Afrika og Asia og er kent fyri at ferðast til londini í Suður- og millumeuropa. Hann er bert eina ferð funnin ynglandi so langt norðaliga sum í Danmark, og tað var í 1994.

Dagføring 07.04.2011: Gátan er loyst!

Cyphostethus tristriatus (Fabricius, 1787) verður ofta influtt við jólatrøum og øðrum greinum, ið vit nýta at pynta við á jólum. Finna tit eina av hesum klukkunum, eri eg - Jens-Kjeld - ógvuliga áhugaður í at fáa fráboðan um hana. Koyri klukkuna livandi í eina reina krukku og ringi so til mín ella sendi ein teldupost.

Slóð til aðra áhugaverda grein um sama evni eftir Jens-Kjeld og S. Tolsgaard

Hans Eli Sivertsen fann hendan Cepaea hortensis (Müller 1774) snigilin á Argjum 05.10.2010. Hetta sniglaslagið er nú funnið fleiri ferðir í Føroyum; men tað er fyrstu ferð, at hesin við tí heilt gula frábrigdinum er funnin.

Hesin DK perlueiturkoppurin Enoplognatha ovata sat í einum urtapotti, sum Jacoba T. Winther fekk 01. september 2010. Alt ov nógv flogkykt verða innflutt til Føroya á henda hátt.

Hendan hon DK kæmpetræhvepsen var fangað uttan fyri ein timburhandil í Tórshavn 01. september 2010. Kæmpetræ-vespur koma til Føroyar til dømis sum reivverur inni í timbri, ið verður innflutt á plattum.

Agnetha Jacobsen fann hendan avmyndaða Cepaea nemoralis (L. 1758) undir einum steini við síðuna av húsinum hjá Jákup av Skarði í Nólsoy 24. aug. 2010. Hetta er aðru ferð, at eg havi sæð Cepaea nemoralis her á landi..
Í ár eru fleiri Arianta arbustorum funnir runt í bygdini í Nólsoy, so alt bendir á, at hetta sniglaslagið trívist og spjaðir seg her úti.

(DK) TRÆBUK Cerambycidae

Hesin sera vakri “træbukkurin” kom til Føroya í fótinum á hesum træfigurinum – framleiddur í Kina, som Fríðgerð Stakkslíð keypti í Tórshavn.
Træbukkaormverurnar kunnu liva í tí turra trænum í fleiri ár, áðrenn tær fyrst gerast reivverur og síðani fullvaksnir træbukkar.
Tað finnast meira enn 20.000 ymiskir træbukkar, og eg veit ikki nágreiniliga, av hvørjum slag hesin er.

Í 2000 var eitt tað mest umrødda málið, um vespan mundi fara at liva veturin av ella ikke. Trúgvi ikki, nakar mann ivast í tí longur...

Her ber til at lesa vespugreinina frá 2001 Verða vespurnar verandi sum lýsir støðuna, sum hon enn er í dag.

Íslendsk slóð: Náttúrufræðistofnun Ísland

Aftan á eina viku við eystanvindi, kom hendan dagin tann størsta innrásin av blómuflugum, ið eg nakrantíð havi sæð her á landi.
95 % vóru av slagnum Metasyrphus corollae. Vanlig ferðafluga í Føroyum.
2 % vóru av slagnum Scaeva pyrastri. Bert skrásett 2 ferðir áður í Føroyum.
2 % vóru av slagnum Episyrphus balteatus. Vanlig ferðafluga í Føroyum.
1% vóru av slagnum Syrphus vitripennis. Sjáldsom ferðafluga í Føroyum.

24.05.2008 gjørdi Jóannes Joensen, Klaksvík, eitt kvett, tá hann fangaði henda sjáldsama eiturkoppin í Kalsoynni. Alopecosa pulverulenta er funnin tríggjar ferðir áður í Føroyum - í Vágoy og Svínoy; men hetta er fyrstu ferð, at hann er funnin í Kalsoy. Allir teir 4 eiturkopparnir, ið eru funnir higartil, hava verið honir.

Alopecosa pulverulenta hoyrir til familjuna: Lycosidae (Wolf Spiders). Leysliga umsett vildi eg kalla familjuna "úlvaeiturkoppar".
Í Europa finnast 260 sløg av úlvaeiturkoppum. ið eru býttir upp í 23 familjur.